SABC Logo
 
Pasella SABC2
Whoopie Pies-Die Nuwe Kolwyntjie
Whoopie Pies-Die Nuwe Kolwyntjie »
Stuur jou resep Stuur jou resep vir ons en ons plaas dit op ons Kykersresepte.
Tuin tot Tafel
Aanbieder Blogs
Potbrood
Potbrood »
Stuur jou resep Gewildste resepte van die week soos deur julle gekies.
 

Pasella verwelkom 2018

Maak 'n Afdruk Afdruk

 Vilje, Chris en Rynier

Pasella verwelkom 2018

Pasella begin die nuwe jaar met 'n kuier saam met die Blitzbok en Cheetah, Chris Dry. Sean-Marco kom op hoogte van sybokhaar modes in die Oos-Kaap. Ons maak 'n draai op die Oranjerivier op Sakkie se Arkie en die Klipwerf orkes staan nader om die voete te laat jeuk.

Die rugby-speler, Chris Dry, speel al die afgelope 7 jaar vir die Blitzbokke en was ondermeer deel van die Blitzbok-span wat in 2017 die Wêreldkampioenskap gewen het. Wanneer hy nie vir die Blitzbokke speel nie, draf hy ook vir die Cheetahs uit.

In sy 63ste sewes-toernooi teen Figi, Desember 2017, in die Kaap het hy ongelukkig ‘n ligament-besering opgedoen wat hom vir ten minste die volgende 6 maande op die kantlyn gaan los. Hy is intussen egter ge-opereer en die Blitzbokke se spandokter, is positief dat hy na 6 maande volkome sal herstel.

Chris is oorspronklik van die Kaap en kom uit ‘n  sportiewe familie. Sy broer, Corné Dry, speel krieket vir die Knights terwyl sy suster op ‘n stadium vir Ierland netbal gespeel het. Hy het sy skool-loopbaan by Grey College in Bloemfontein voltooi, waar die rugby-gogga hom goed gebyt het.

Chris speel graag gholf in sy vrye tyd en is bo alles ook ‘n kranige nutsman. Hy het reeds op skool ‘n paar vollas oorgedoen en het ook onlangs sy eie kombuis opgeknap. Hy is tans besig om deeltyds in ‘n konstruksie-rigting te studeer en sal dit graag eendag sy loopbaan wil maak, wanneer hy sy tokse ophang. 

Sybokhaar

In 1838 het die Sultan van Turkye 12 gekastreerde Angora-ramme en een ooi halfpad om die wêreld na Port Elizabeth gestuur om sy kosbare sybokhaar koninkryk te beskerm. Niemand het egter besef dat die ooi reeds swanger was nie.  So is die Suid Afrikaanse sybokhaarbedryf inderdaad in die Oos-Kaap gebore. 

Vandag produseer Sybokhaar SA meer as 50% van die wêreld se sybokhaar. Dit is ‘n florerende boerderybedryf in die Oos-Kaap. Daar word ook waarde toegevoeg, deur die sybokhaar verder op eie bodem te verwerk in hoë kwaliteit produkte soos kussing- en stoeloortreksels, komberse, serpe, sokkies en ontwerpersuitrustings vir mans en dames.

Sakkie se Arkie

As jy in die Upington-omgewing vir ‘n kleuter sou vra wie die ark gebou het, mag die antwoord dalk net – Oom Sakkie wees. (;

Net soos Noag van ouds, het Sakkie Spanengberg van Upington ook ‘n unieke boot, met sy eie twee hande gebou. Hy het in 1997, 20 jaar terug, sy droom om sy eie vaartuig vir die Oranjerivier te bou, verwesenlik. Vandag is die plesierboot omtrent ‘n toerisme-treffer in die omgewing.

‘Sakkie se Arkie’ is die ideale manier om ‘n dag af te sluit met ’n rit op die Oranjerivier tydens sonsondergang, met ‘n skemerkelkie in die hand. Sakkie hou ook met sy passasiers by ‘n swemkuil stil, vir die ouens wat wil afkoel of aan watersports op die rivier wil deelneem. 

Klipwerf

Hentie Visagie, sy twee seuns, Johan en Kobus Visagie, asook Nicol Louw het in 1969 die Klipwerf Boereorkes begin. Hulle het gou gewild geraak as ‘n dans-orkes in die Kliprand-distrik, maar eers in 1988 hulle eerste album opgeneem. Die groep het sedertdien elke jaar ‘n album vrygestel en met hulle sowat 1.4 miljoen albumverkope tot dusver,  is hulle een van Suid-Afrika se mees suksesvolle musiekgroepe ooit. 22 van hulle 30 albums het goue status bereik, terwyl 6  platinum status behaal het.

Genè van Niekerk, die enigste vroulike lid van die orkes, is al vir 17 jaar deel van Klipwerf. Sy is oorspronklik van die Boesmanland, maar deesdae is sy ‘n afgetrede boervrou, wat teen die Oranjerivier in Upington bly.

Musiek is in Genè se gene, met haar ouma Ella wat destyds op menige danse in die distrik viool gespeel dat die biesies bewe! Ouma Ella is verantwoordelik vir die oorspronklike ‘Boesmanland-liedjie’, waarvan Worsie Visser later ‘n weergawe opgeneem het.

 


Kommentaar / Terugvoering:

Wees die eerste om kommentaar te lewer ...

Teken in:
ePos:
Password:

Wagwoord vergeet?


OF

Registreer: Registrasie is eenmalig en u besonderhede sal te alle tye vertroulik gehou word.
Geslag:
Naam:
Van:
ePos:
Password:
Profiel Foto:  Beste grootte: 160px wyd x 120px hoog (.JPG)
Sekuriteitskode: Vul asb. die sekuriteitskode onder in:  *
Nuusbrief registrasie
Waars ons aanbieders
Pasella op Twitter Pasella op Facebook
Pasella on Instagram
 
SABC Logo
Broadcasting for Total Citizen Empowerment
About the SABC Contact Us Jobs
Advertise Disclaimer Site Map
DMMA Logo

SABC © 2011
SABC 2
Terme en voorwaardes | Privaat beleid | Kontak ons
Kopiereg © 2010 Pasella  |  Ontwerp deur  Website design and development