Dit is Kersfees by Pasella

15 November 2017

DW

Dit is Kersfees by Pasella

Kersfees is om die draai! Hierdie week maak die kos-redakteur, Herman Lensing, vir ons 'n Kersfees-ete uit sy 30 resepteboek. Ons kuier saam met die sanger, Desmond Wells op die Kaapse Vlakte, waar hy eens op 'n tyd 'n polisieman was. Dieter Voigt loer agter die skerms wanneer Vicky Davis saam met ander bekende ma's deel is van 'n fotosessie vir Sarie se Januarie-uitgawe. Ons maak musiek saam met Vicky se musikant-man, Schalk Joubert en kuier saam hulle jongspan by hulle huis in die Strand.

Die afgelope 12 jaar het die sanger, Desmond Wells, 4 albums vrygestel. Sy nuutste album, ‘Staan vir Altyd by my’ sluit snitte soos, ‘Dansvloer Liefde’ en ‘Die Woorde in my’ in. Voor hy egter begin musiek maak het was polisie-sirenes deel van sy daaglikse lewe. Desmond was by die SAPD in Delft as ‘n sersant gestasioneer wat ook areas soos Bellville-Suid en Belhar ingesluit het. Om na 7 jaar van polisieman wees ‘n loopbaanskuif na die musiekbedryf te maak was beslis ‘n drastiese besluit, maar Desmond het nog nooit teruggekyk nie.

Behalwe vir Desmond se agtergrond as geharde man van die gereg en musikant is hy ook ‘n gesinsman. Hy is getroud met Esmaré en hulle het drie kinders wat Desmond se sangloopbaan heelhartig ondersteun. 

HL

Herman Lensing het op ‘n jong ouderdom saam met sy ouma baie tyd in die kombuis spandeer. Hy het onlangs sy nuwe resepteboek, 30, vrygestel. Dié resepteboek bestaan uit heerlike en moeitelose 30 minuut-resepte. Sy resepteboek sluit ook ‘n paar gesondheidswenke en lewenswyshede, in.

Herman toer graag die wêreld vol. Verskillende mense en kulture is vir hom ‘n groot bron van inspirasie vir sy resepte. 

Vciky Davis Sarie Foto

Ons eie, Vicky Davis, het onlangs vir die tweede keer ma geword met die geboorte van haar babaseuntjie, Luca. Sy was ook onlangs deel van ‘n fotosessie vir Sarie se Januarie-uitgawe saam met ander bekende ma’s, soos Rolanda Marais, Diaan Lawrenson en Rozanne Mckenzie.

Vicky en Dieter Voigt het van die geleentheid by dié fotosessie gebruik gemaak om so paar baba-wenke met die ander ouers uit te ruil.

Vicky en haar musikant-man, Schalk Joubert, het ook ‘n driejarige dogtertjie, Lira. Schalk is een van ons land se voorste baskitaarspelers, ‘n musiekvervaardiger en komponis.  Behalwe vir Vicky se byna 10 jaar as Pasella-aanbieder, is Vicky ook ‘n aktrise en skrywerr.

Vicky en Schalk werk tans beide op ‘n teater-produksie, ‘Afrique mon Désir saam met David Kramer as regisseur. Die vertoning sal by die US Woordfees en die KKNK te sien wees, terwyl ‘n maand-lange Europa-toer ook vir die stuk beplan.


 


Lees Ook: