9 Februarie 2011: Knap jou kaggel op

Karin Cronje haal kaggel rooster uit Verf word danksy die warm temperature lekker vinnig droog.

Jy benodig
Draadborsel
Skuurpapier
Hittebestande metaalverf
Kwas
Bakstene
Skoppie en besem

Begin deur die los stukke gietyster van die vuurherd uitmekaar te haal. Pak die los stukke versigtig op 'n koerant – hou kop sodat jy die legkaart weer later kan terug pak.

Skrop die ergste vuiligheid met die draadborsel los – veral die klein groefies. Gebruik 'n growwe grein skuurpapier om alle skilferende verf af te skuur (Karin gebruik 80-grein).

Vat nou 'n fyner grein skuurpapier om die metaal, en veral roesplekke, glad te skuur. Dit verg wel 'n bietjie inspanning om tussen al die klein groefies in te skuur, maar die ekstra moeite gaan die lewe van jou vuurherd net verleng. Sodra jy tevrede is met jou skuurdery, vee alle stof deeglik af.

Nou kom die pret na al die gesweet. Gebruik die spesiale verf, wat meestal slegs in swart beskikbaar is, om elke stuk een vir een te verf. Die verfwerk is effens tydrowend omdat jy net kant vir kant kan verf. Pak die rooster op 'n paar bakstene of selfs klippe sodat jy die kante ook kan verf.

Maak seker dat jy met die kwas tussen al die groefies verf. Verf eers die een kant en wag vir die verf om droog te word en volg dan met die ander kant.

Sodra alles geverf en droog is, kan jy die nuut gepoetste stukke terugpak.
Kaggel rooster op matjie
Vee kaggel met houtborsel af
Vee kaggelparte af
Verf kaggel swart
 

Lees Ook: