8 September 2010: Versier ou fotorame

Skuur rame af Soek ook altyd eers in en om die huis na goed waarmee jy kan mooimaak, voordat jy iets nuuts gaan koop. Jy sal verbaas wees wat jy alles uitsnuffel.

Dekor-ghoeroe Marlize Lotz het juis 'n paar ou wasters in verskillende groottes in haar motorhuis ontdek wat ideaal hiervoor is. Sy gebruik ook rou ertjies wat sy in haar kombuiskas opgespoor het. En glo dit of nie, maar dit en 'n bietjie verf is basies al wat jy benodig om jou rame splinternuut te laat lyk.

Verder benodig jy ook:
Skuurpapier
Kwas
Wit PVA-verf
Houtgom
Wit spuitverf

Skuur die rame eerstens om dit effens growwer te maak en verf dit dan met die wit PVA-verf. Wanneer die rame goed droog is, kan jy dit ook aan die voorkant met 'n laag houtgom verf. Plak dan die wasters en ertjies op die onderskeie rame vas. Druk dit stewig vas en laat om goed droog te word.

Spuit daarna die voorkant van die rame met die wit spuitverf om die item mooi af te rond. Plaas nou net 'n mooi prentjie of foto daarin en jou rame is klaar.
Verf fotorame
Versier fotorame
Versierings
   

Lees Ook: