8 September 2010: Roereiers

Reuben se roereiers Om die perfekte roereiers te maak het jy volgens Reuben, ‘n pan met ‘n dik bodem nodig wat nie meer as 20 cm wyd is nie.

(Bedien 1)

2 groot vars eiers*
1 e mascarponekaas
1 t botter

Breek die eiers in ‘n mengbak en voeg die mascarpone by. Roer versigtig met ‘n houtlepel totdat die eier breek. Plaas die pan oor medium hitte en voeg die botter by. Sodra dit begin smelt, voeg die eiermengsel by. Dit is belangrik dat die eiers begin kook sodra dit die pan raak. Gebruik die houtlepel om die eier van buite tot binne versigtig in te vou. Die idee is om te vou eerder as om te roer. Voeg na 20 sekondes sout en peper by. Kook nog so 20 sekondes. Bedien met geroosterde plaasbrood en gerookte salm.

*Toets varsheid deur dit in glas water te sit. As dit dryf, is dit oud en moet liefs weggegooi word. As dit op die bodem lê, is dit vars.
Roereiers met houtlepel
Salm en roereiers
 

Lees Ook: