5 Februarie 2014: Marlize Lotz se persoonlike kosblikkies

kosblik dekor


Benodighede:

1. Plastiekhouer met ‘n deksel, in jou kind se gunsteling kleur
2. Mooi papier in verskillende bypassende kleure
3. Handwerkmessie,
4. Metaalliniaal
5. Snymat
6. Modge Podge en ‘n sponskwassie om alles te seël

Vir die binnekant van die kosblik:

1. Swartbordverf,
2. Sponsrollertjie
3. Maskeerband  

Metode:

Stap 1:
Begin deur die bokant van die deksel te meet en sny dan ‘n stukkie papier wat presies bo-op pas. Sommige houers het ‘n natuurlike inhammetjie op die deksel, so werk daarmee en gebruik jou metaalliniaal en snymat om mooi reguit lyne te kry.

Stap 2:
Smeer dan die agterkant van die papier met Modge Podge en plak dit op die deksel. Gebruik die sponskwassie hiervoor. Werk ook maar altyd op koerantpapier om die gemors binne perke te hou. Seël dan die bokant met nog ‘n paar lae Modge Podge. Laat elke laag goed droog word voor jy die volgende opverf.

Stap 3:
Vir die binnekant van die kosblikkie, kan jy ‘n area op die deksel met maskeerband uitmerk en dit dan verf met swartbordverf. Gebruik ‘n sponsrollertjie hiervoor en doen ‘n paar lae tot dit mooi egalig swart is.


Lees Ook: