30 November 2011: Potplante kry vlerke

potplante in die lug

Plante wat goed werk is klimop, Philodendron en Pelargonium met pienk blommetjies wat 'n pragtige swewende hangende effek gee. Verder het jy nodig: groen mos, vermikuliet, plastieknetsakkies en plastiektou.

Begin deur die plantjie uit sy houer te laat en werk 'n handvol vermikuliet by die grond tot dit 'n bolletjie vorm. Vermikuliet hou baie voordele vir die plant in – dit absorbeer water baie goed wat sorg dat jy minder hoef nat te maak en dit stel voedingstowe stadig vry sodat die plant elke nou en dan kos kan opneem.

Nou sny jy die netsakkie volgens die grootte van plant, maak 'n stywe knoop onder en druk eers groen mos onder in (maak eers die groen mos nat sodat dit aan sakkie vasklou). Sit nou die plant in, druk hom styf vas en pak nog 'n klomp mos rondom in om die prentjie af te rond. Bind die sakkie styf toe aan die bokant sodat dit opgehang kan word en die plant nie uitval nie.

Die manier van tuinmaak verg geen spesiale aandag nie – jy kan die plante een keer 'n week natspuit met spuitkannetjie om hulle werklik gelukkig te hou. 

Pasella bedank graag: 

Aspidistra Tuinsentrum
T: 021 881 3494
F: 021 881 3430
E: willieschmidt@telkomsa.net

potplante kry vlerke
potplante kry vlerke
plastieknetsakkies
   

Lees Ook: