30 November 2011: Lapservette

marlize lotz

Benodighede:

Gewone wit katoenlapservette

Meel

Water

Materiaalverf

Kwas

Potlood

Begin deur die patroon van jou keuse op die servet uit te teken met die potlood – onthou jy kan uitvee as dit nie werk nie. Daarna word die meelmengsel aangemaak deur  2 eetlepels meel met 2 eetlepels water te meng, totdat dit amper soos tandepasta lyk.  Skep binne-in die botteltjie, volg potloodlyne en druk die meelmengsel daarop uit. Die idee is dat die meelmengsel sal voorkom dat die verf op daardie gedeeltes kom en sodoende vorm jy 'n patroon. Druk dit dus lekker dik uit sodat jou patroon mooi uitstaan.

Laat meelmengsel vir ten minste 'n uur droogword voordat jy begin verf. Verf versigtig rondom die ontwerpgedeelte en onthou om die verf egalig aan te wend reg tot aan die rande van die servet. Wanneer die verf droog is, kan die meelmengsel afgekrap word om die patroon te onthul. Stryk die servet aan die rugkant om te voorkom dat die lapverf uitwas wanneer dit die eerste keer in die wasmasjien beland. Kikker so jou volgende partytjie met jou eie servette op!

Pasella bedank graag: 

Marlize Lotz

The Last Word Constantia
A: Spaanschemat River Road, Constantia, 7806
T: 021 794 7657
F: 021 794 2069
E: constantia@thelastword.co.za
www.thelastword.co.za

teken met potlood
verf lapservet
patroon op lapservet
stryk servet
   

Lees Ook: