22 Augustus 2012: n Houtbed vir Siebie

Karin Cronjé se woefbed

‘n Houtbed vir Siebie


Benodigdhede:

n Stuk hout so groot soos ‘n slaapkussing
n Ou kussing
Mooi sloop
Boor
Houtskroewe
Verf
Tou
Skuurpapier
Potlood
Maatband


Metode:

Laat die basis sny so groot soos ‘n kussing. Sny ook vier planke vir die raamwerk sodat dit so hoog soos die kussing is. Verf alles met ‘n onderlaag.
Sit die basis op ‘n tafel en skuif dit so ‘n entjie af sodat jy loodsgaatjies kan boor – ‘n paar mm van die kant af. Ses tot agt gaatjies behoort genoeg te wees.
Sit nou die raamplanke op en skroef dit vas met houtskroewe. Onthou ook om die hoeke aan mekaar vas te skroef. Merk met die potlood en maatband waar jy die handvatseltou wil insit en boor met ‘n 10mm boor twee gaatjies aan elke kant.
Skuur die hout liggies en verf. Druk die tou deur die gaatjies en knoop aan die binnekant.

Laat sny twee groot ‘bene’ uit hout, verf met ‘n helder kleur en skroef dit aan die sykante vas. Sit die kussing en laat jou hondjie sy lê kry.


Kyk die hele storie:


Lees Ook: