2 Maart 2011: Glaslanterns

Meet glas omtrek met lintjie Jy benodig
Glase, met reguit kante
Ontwerp, uitgedruk op papier
Wit papier
Aftrekpapier
Snymat en -messie
Metaalliniaal
Alkantkleefband
Maskeerband
Spuitgom
Teekersies

Begin deur jou glase se omtrek en lengte te meet. As jy nie 'n maatband het nie, werk 'n stukkie tou of lint net so goed. Draai dit eenvoudig om jou glas en meet dit dan op die liniaal. Sny 'n stuk wit papier in 'n reghoek, volgens jou glas se mates. Doen so ook met die aftrekpapier.

Plak jou wit papier tydelik met maskeerband aan jou snybord vas en jou ontwerp bo-op soos jy dit wil hê. Begin nou om jou ontwerp met die snymessie uit te sny. Jy kan ontwerpe orals kry, Marlize stel voor jy loer in tydskrifte, boeke, op die internet of na geskenkpapier. Solank die ontwerp by jou vertrek pas, kan jy nie verkeerd gaan nie. Die proses om die ontwerp uit te sny is tydsaam, maar beslis die moeite werd.

Wanneer jy klaar die ontwerp uitgesny het, kan jy dit van die snymatjie losmaak. Keer dit om en spuit met die spuitverf. Plak die papier om die glas – indien dit effens oor die rand uitsteek, kan jy dit net netjies met jou snymessie afsny.

Hierna plak jy die aftrekpapier om die glas met alkantkleefband – bo-oor die wit papier – en sny die oortollige stukkies met jou snymessie af. Sit jou teekersie binne-in en jou lantern is klaar.
Plak ontwerp en wit papier op snymatjie
Sny ontwerp uit met snymessie
Wit papier met ontwerp uit gesny om glas
   

Lees Ook: