19 Januarie 2011: Hout stortmatjie

Meet hout stortmatjie lengte Jy benodig:
Skroewe
Handsaag
Winkelhaak
Merkpen
Maatband
Skuurpapier
Boor met hout boorpunte
Koue lym
Verf en kwas

*Snylys:
6 merantiehoutbalkies vir staanoppervlak
3 stutbalkies, ook van merantiehout

*Meet vooraf die grootte van die spasie wat jy tot jou beskikking het en laat sny jou houtplankies daarvolgens. Karen gebruik 6 balkies vir haar staanoppervlak en 3 stutbalkies. Pas die aantal plankies en balkies aan om by jou beskikbare spasie te pas.

Karen gebruik vyf stukkies ewe dik afvalhout om die ses balkies eweredig op 'n gelyke oppervlak te spasieer. Sny daarvolgens drie stutbalkies in die lengte sodat dit nie oor die rand van die twee buitenste plankies steek nie. Spasieer die drie stutbalkies, aan die regter- en linkerkant asook in die middel van die balkies. Boor regdeur die stutbalkies tot in die houtplankies met die boor en boorpunt. Herhaal die proses totdat jy minstens een skroefgat in elke plankie het.

Verwyder die balkies, smeer 'n bietjie houtlym oor elk van die skroefgaatjies en sit die stutbalkies terug. Nou kan jy die balkies aan die plankies begin vasskroef. Gebruik skroewe wat lank genoeg is om deur die balkies tot in die plankies te skroef, maar nie regdeur gaan nie.

Skuur nou die houtjies glad daar waar jy gesaag het, want jy wil nie splinters in jou voete kry nie. Nou is jy gereed vir die finale afwerking. Verf die matjie en laat goed droog word. Daar het jy dit, netjies, veilig en boonop higiënies.
Hout lym in skroefgaatjies
Onderstebo hout stortmatjie
Verf hout stortmatjie
hout stortmatjie klaar
   

Lees Ook: