17 November 2010: Dagboekie

Dagboek benodigdhede Jy benodig
A5-grootte notaboekie
Mooi materiaal
Bypassende karton
Houtgom
Kwas
Skêr
Lint/koord
2 metaalgespes
Metaalogie
Tang

Vou die boekie oop en sit dit plat neer met die rugkant wat na bo wys. Verf die hele rugkant met gom. Lê die materiaal bo-op neer en vryf dit goed plat sodat daar nie enige voue of kreukels in is nie.

Sny die oortollige materiaal weg, maar laat genoeg om die rand oor sodat jy dit na die binnekant van die boekie kan omvou. Draai die boekie om en verf ook gom aan die verkeerde kant van die oorsteekgedeeltes van die materiaal. Vou dit na binne en vryf goed plat.

Meet intussen die grootte van die twee binneblaaie van die omslag van die boekie en sny twee stukke karton volgens daardie mate. Hou by 'n kleur wat die materiaal sal komplimenteer en plak dit binne-in vas, ook met houtgom. Die karton sal dan die onafgewerkte materiaalgedeeltes verbloem.

Sodra die gom droog is, kan jy die band van die koord of lint maak om die dagboek af te rond – Marlize gebruik koord vir haar dagboek. Ryg nou die een punt van die koord deur albei metaalgespes, vou dit dubbel en maak 'n klein gaatjie met die handwerkmessie op die plek waar die metaalogie gaan kom. Die metaalogie word ingesit om die koord in plek te hou. Gebruik dan die tang om die ogie in te sit.

Ryg nou die ander punt van die koord deur beide gespes en dan weer deur net een van die gespes om dit vas te trek.

Sny die los punt korter indien nodig en ook skuins sodat dit nie kan uitrafel nie. Nou het jy ʼn pragtige persoonlike dagboek!
 
Pasella bedank graag:

Villa Zest Boutique Hotel
Braemerstraat 2, Groenpunt, Kaapstad, 8005
Tel: 021 433 1246
E-pos: info@villazest.co.za
www.villazest.co.za
Gom
trek boek met materiaal oor
Karton binneblad
Koord om dagboek te sluit
Dagboek koord
   

Lees Ook: