14 Maart 2012: Kussings met silhoeėt-drukwerk.

Marlize maak kussings met silhoeët-drukwerk

Benodighede:

Kussings met slope wat jy kan afhaal

Koerantpapier

Ondeursigtige materiaalverf (in kleur van jou keuse)

Spuitgom

Skêr

Sponsie

Verfkwas

Ontwerp (regte grootte uitgedruk)

Dik karton

 

Maak seker die kussingslope is gewas en goed droog. Lê die sloop op 'n plat oppervlak neer en maak seker jou ontwerp se grootte is reg. Spuit die rugkant van die ontwerp met gom en plak dit op 'n stewige karton vas. 

Kies 'n ontwerp met sterk buitelyne sodat jy die silhoeët daarvan kan gebruik. Knip die ontwerp al om die buitelyne uit. As jy een kies met openinge in die middel, gebruik 'n handwerkmessie op 'n snymatjie om dit uit te sny. Keer die ontwerp om sodat die kartongedeelte na bo wys.

Sit jou ontwerp op die koerantpapier neer, neem jou spons en druk dit in die verf. Druk nou lekker dik, maar egalige hale verf op die karton af. Onthou om tot reg op die rand van die ontwerp gom aan te wend. Keer nou die ontwerp om en posisioneer dit perfek op die kussingsloop voordat jy oor die rugkant vryf. Maak seker om oral te vryf sodat die verf ordentlik oordra op die sloop.

Nadat jy die ontwerp opgelig het, sal dit dalk nodig wees om dit verder in te kleur met 'n kwassie. Sommige materiaalsoorte is meer absorberend as ander en in daardie geval sal jy nog verf moet aanwend. Laat om goed droog te word.

Marlize maak kussings met silhoeët-drukwerk
Marlize maak kussings met silhoeët-drukwerk
Marlize maak kussings met silhoeët-drukwerk
   

Lees Ook: