14 Julie 2010: Hangkashandvatsels

handvatsels Jy benodig
Nuwe handvatsels
Boor
Houtboorpunt – dikte moet pas by dié van die handvatselskroef
Stukkie hout
Maatband
Maskeerband

Hou die handvatsel teen die kasdeur om die posisie te bepaal. Onthou dat die kaste dalk ook deur kinders oopgemaak moet word, so sit dit liewers laer as hoër.

Skat sommer eers met die oog of die handvatsel mooi gelyk is. Maar onthou, dié lukrake metery is bloot vir die plaas van die handvatsel.

Wenk: Om jou lewe makliker te maak: vat 'n stukkie hout wat 'n reghoek vorm en merk daarop waar presies die gaatjies geboor moet word vir die spesifieke handvatsel wat jy gekoop het.

Skat dan met die oog of die handvatsel loodreg staan. Boor twee gaatjies in die stukkie hout wat ooreenstem met die handvatsel. Die stukkie hout kan ook terselfdertyd die afstand wat die handvatsel van die kant van die kasdeur af moet wees, aandui.

Al wat jy nou hoef te doen is om met jou maatband te meet presies hoe hoog op die kasdeur jy jou nuwe handvatsels wil hê. Plak 'n stukkie maskeerband op die gedeelte – dis bloot sodat jy nie hoef te sukkel om die potloodmerke na die tyd af te kry nie.

Neem die maatband en stukkie hout, hou dit teen die rand van die kasdeur en merk presies waar die gaatjies geboor moet word. Boor met 'n houtpunt op die normale boorfunksie die gaatjies deur die deur. Trek die maskeerband af en druk die skroefies van agter af deur om die nuwe handvatsel vas te skroef.
Kashandvatsels
Mates
Kashandvatsel mates
Skroef handvatsels vas
 

Lees Ook: