11 April 2012: Waterlelies

Plant waterlelies so:

 

Benodigdhede:

Waterlelieplant/e

Tuingrond (leem eerder as klei)

Potgrond

Ou kraalmis

Beenmeel

‘n geglasuurde pot (dit hou langer in die water as die ander)

spoelklippe

 

Maak so:

Meng ⅓ potgrond, ⅓ tuingrond, ⅓ mis en twee hande beenmeel in die pot. Lig jou waterplant uit die sakkie. Jy sal sien da thy ‘n dik wortelstok het. Plant dit teen die kant van die pot want dit gee die plant se wortels spasie om na die middel te groei. Bedek die grond met wit spoelklippies sodat die grond nie uitkom as jy dit in die water sit nie. Die spoelklippies help ook dat vissies in jou dammetjie nie by die plant se wortels uitkom nie.

 

Plaas die pot nou 10cm onder die water in ‘n dammetjie of ou bad vol water. Na ‘n paar weke kan jy dit na 30 cm verdiep. Onthou, waterlelies hou van vol son!



Lees Ook: