1 Februarie 2012: Plant clematis

clematis plante

Daar is twee variëteite beskikbaar:

 Die “Montanas” met 'n kleiner blommetjie

 Die “Polsens” met groot blomme, wat enkel of dubbeld kan wees. 

In Engeland en Europa is dit 'n baie gewilde rankplant en word dit dikwels saam met rose geplant.

Volgens Willie is die geheim van 'n clematis: “Koue voete, warm gesigte” en wat hy daarmee bedoel is dat dit die beste is om die clematis in 'n pot te plant sodat sy wortels koel kan bly, terwyl die res van die plant dan kan oprank om genoeg son te kry. Dit is belangrik dat jou pot groot genoeg is sodat die wortels genoeg spasie het om te kan groei. Vul die pot met goeie potgrond, 'n groot handvol beenmeel wat ingewerk word in die grond.

Dis veral belangrik by 'n clematis om nie sy wortels te versteur nie, so haal dit plant versigtig uit sy kwekery-houer. Draai die pot 'n bietjie skuins, hou jou ander hand stewig oor die bogrond en wikkel die plant versigtig uit.

Druk die plant stewig in die nuwe pot vas en vul op met nog potgrond. Help die groei aan met 'n handvol organiese misstof wat jy so elke 6 weke kan toedien en 5 liter water 'n week. 

beenmeel
clematis wortels
 
   

Lees Ook: